بقلم الصحفية والاعلامية/دعاء سلطان
مخدتش فى الوجع فرصه
اطبطب فيها على نفسى
مخدتش مـ العنين دمعه
تِهَوّن حزنى او يأسى
تهون ذكرى من ابويا
وأنا بترجى ميفوتنيش
قدرت آخد 1000 حضن
فـ الوداع ومكفونيش
واسيت الكُل وانا ماشى
وشايلك ع الخَشب للبيت
واناجى عينى متدمعش
ليقولوا ان انا اتهزيت
ومش ناسى وجع أمى
وما بالك بدمع الأم
دموع العين تكون ميا
ودمع القلب سيل مـ الدم
مخدتش مـ الوجع صرخه
تِخَرّج طاقة الاشواق
تملّى القُرب ليه فرحه
تملّى القُرب بعده فراق
يارب معاك أهم الناس
وراضى بكل ما كتبته
فخُد من فرحى كام فرحه
وطبطب بيها على قلبه
وعجبي
عاجل 
الرئيسية 