كتبت / نوران رمضان العزازي
لما حجارة الريموت تخلص بيعضها باسنانه
آل الحجارة كده هتتشحن والغريبة فعلا بتتشحن
لما يشرب من الكوبايه يشرب من الناحيه اللي فيها الايد علشان محدش شرب منها
مستحيل يسيب الشبشب مقلوب
لو ايده مبلوله ميه بيشد الفيشة بسرعة آل يعني مش هتاخد بالها
لما يروح درس يعد العيال علشان يشوف المدرس بياخد كام
لما يبقي حران بيقلب المخده الناحيه التانيه
لااازم يخبط خبطتين بالمعلقة علي الكوبااية بعد ميخلص تقليب تقولش بنستأذن منها قبل ما نشرب
يشتم وبعدين يقولك اللهم اني صائم
ولازم تلاقي نص ليمونه في باب التلاجة
ممكن يعمل اي حاجة غلط الا انو يشغل اغاني ساعة الاذان لانه شعب متدين بطبعه
بيدخل المطبخ يبص في المواعين ويكشف الحلل ويفتح الفرن ويبص في التلاجة وفي الاخر يشرب مايه ويطلع
99]/color]5 دقايق ويكون عندك ويجي بعد 5 ساعات
يتخانق هو و اخوه ع ريموت التليفزيون يقوم هو واخده و اخوه يحط ايده قدام الرسيفر
لما يخلص علبة البيبسي لازم يرجها الاول قبل ما يرميها
واي حاجة تهنج او تبوظ يقفلها ويفتحها تاني والمشكلة انها بتشتغل
لما بيكون بيسمع لنفسه حاجة وينسى بيبص بطرف عينه على الكتاب بسرعه ويعمل انه افتكر
لما الشامبو بيخلص بيحط شوية مايه في العلبه علشان شوية الشامبو اللي في الاخر
لما يخبط علي الباب تقولو مين يقولك انا
يضحك في العزا ويعيط في الفرح
قبل ما يعدى اى طريق يبص يمين وبردو شمال
يمكن حد جاى مخالف unsure
يدخل السوبر ماركت يقولو هاتلى ب2 جنيه طورشى
وهو خارج يساله الحساب كام!
لما حد يوريه صوره علي الموبايل لازم يقلب يمين وشمال
يفضل يدور ف الفوطه ع الحته اللى محدش نشف فيها
اه والله ده بيحصل فعلا ابتسم انت في مصر
لما ييجي ينام يفتح النور يحفظ الطريق للسرير وبعدين يقفل النور ويطلع يجري على السرير
لما حد يكلمه في التليفون ويقولوا مش سامع صوتك الشبكة وحشه ميتحركش من مكانه ويقوله هااااا الصوت واضح .. الغريبه التاني يقولوا ايوا كده واضح
أول ما يكون في خناقة في الشارع يجري على البلكونه وهو فرحان
يحط القنوات الدينية أول عشر قنوات ويقلب بعد القناة الــ 11